Шернур район 105 ияш лӱмгечыжым палемден

Шернур район теҥгече 105 ияш лӱмгечыжым кугу концерт дене палемден. Верысе калыкым лӱмгече дене Шернур муниципал округым вуйлатышын пашажым шуктышо Александр Кугергин саламлен. Погынышо-влакым «Марий Эл» ансамбльын артистше- влак, Российын сулло артисткыже Зоя Берникова, тӱвыран сулло пашаеҥже Вячеслав Дудин, «Эреҥер» ансамбльын солисткыже Ангелина Помникова, верысе «Любава» ансмабль куандареныт. Палашлан: 1920-шо ийын 4-ше ноябрьыште Марий автоном областьым ыштыме. А 1921-ше ийын 15-ше январьыште кум кантон шочын: Краснококшайск, Козьмодемьянск да Шернур. 1924-ше ийын Шернур кантоным иземдыме  тушеч эше Торъял ден Марий Турек кантоным ыштыме да районыш савырыме. 1959-ше ийыште район радамыш пытарыме Косолоп районын ужашыже пурен. Ынде район округыш савырнен.
           Фото: Шернур район администрацийын архивше.

Источник: https://www.gtrkmariel.ru/news/sure-arches/shernur-rayon-105-iyash-l-mgechyzhym-palemden/