Министр- вияш эфирыште

Чоҥымаш, архитектура, илыме вер да коммунал озанлык министр Александр Горбунов вияш эфирыште тӱҥ теме- влаклан вашетен: чоҥымаш, корным, капитально олмыктымаш, телылан ямдылалтмаш да куштырам ойыркален погымашлан. Кугу объект- влак кокла гыч Черняков бульварыште подрядчикым вашталтыме деч вара паша тарванен. Тудын кокымшо йыжыҥжым тений идалык мучаш марте, кумшыжым у магистраль дене 2028-ше ийыште мучашлаш шонат.
          «Канде кайык» школым тений идалык мучаш марте  чоҥен шуктышаш улыт.
           Апшак-Беляк микрорайонышто участке- влак деке газ ден электротулым пуртымо, икымше ден кумшо черет корно ямде, кокымшыжо- 19 меҥге наре кужыт корнышто паша шукталтеш. Тудым шушаш ийын кеҥежлан мучашлышаш улыт.
           Юрино, Звенигово да Медведево тӱзландарыме шотышто Российысе конкурсышто сеҥышыш лектыныт, Проектым шуаш ийын шыҥдараш тӱналыт.
           Капитально олмыктымо шотышто. Тиде программылан оксам ик миллиардат 400 миллион теҥге марте кугемдыме. Тенийсе планыш 110 пӧртым пуртымо. Пӧрт чот шолдырген гын, оза- влак олмыктымо жапым кусарен кертыт.
           Телылан ямдылалтме нерген ойлымо годым палемдыме: шокшым ситарыше 11 объектым олмыктымо, вич котельныйым газыш кусарыме, Куженерыште кок блочно-модулдьный котельныйым чоҥымо, Козьмодемьянск ден Морко районышто вӱдым ситарыме системым уэмдыме. 300 меҥге утла кужыт теплосетьым да тӱжемат 500 меҥге вӱд пучым олмыктымо паша умбакыже шуйна.
            Республикыште пластикым погымо 390 нугыдонарынче тӱсан контейнерым вераҥдыме. Яндам, макулатурым да батарейкым погымо пунктлан адресыштым Чоҥымаш министерствын сайтыштыже муаш лиеш.
                Фото max.ru/yvzaitsev